Prurjet e shumta të lumit Devoll kanë shkaktuar rrëzimin e një pjese të malit pranë urës së Gjinakasit në Moglicë, bashkinë Maliq, më 19 shkurt 2026. Gërryerjet e vazhdueshme dhe rritja e nivelit të ujit kanë dëmtuar rëndë strukturën e urës, duke e bërë të rrezikshme për qarkullim.
Situata u përkeqësua nga niveli i lartë i ujit, që çoi në rrëshqitje dherash dhe dëmtime serioze. Ura do të riparojet nga një kompani e specializuar, e cila do të marrë masat e nevojshme për ta rikthyer në gjendje të plotë funksionale.
Për të përballuar emergjencën dhe për të garantuar lëvizjen e banorëve, bashkia Maliq ka vendosur një urë metalike provizore. Kjo urë shërben për mjete dhe këmbësorë deri në përfundimin e punimeve përfundimtare.
Një video e siguruar nga gazetarja Lorena Kodra për BalkanWeb tregon një automjet xhip duke kaluar me sukses urën e improvizuar.