Partia Socialiste mblidhet të shtunën me grupin parlamentar të zgjeruar, ku diskutimet përqendrohen te administrimi i pronave dhe reforma territoriale.
Mbledhja nis në orën 11:00 me fjalën e kryetarit të grupit parlamentar të PSSH, Taulant Balla, e ndjekur nga fjala e kryeministrit dhe kryetarit të PSSH, Edi Rama.
Pjesë qendrore të agjendës janë raportimet:
- Raportimi i drejtoreshës së Agjencisë Shtetërore të Kadastrës, Lorena Goxhobelli, për ecurinë e proceseve të regjistrimit dhe problematikat kryesore në terren, me pyetje dhe diskutime jo më shumë se 2 minuta për çdo folës.
- Raportimi i bashkëkryetarit të Komisionit të Posaçëm, Arbjan Mazniku, për Reformën Administrativo-Territoriale, me pyetje dhe diskutime jo më shumë se 2 minuta për çdo folës.
Gjithashtu paraqitet Strategjia e Komunikimit nga Erjona Ismaili, e ndjekur nga pyetje dhe diskutime jo më shumë se 2 minuta për çdo folës.
Më pas, fjalë 5-minutëshe nga Anjeza Maja dhe Jonida Shehu.
Mbledhja përfundon me konkluzionet e kryeministrit Edi Rama dhe të kryetarit të grupit parlamentar Taulant Balla.