Misse (Beqiri) Maloku, modele shqiptare e rritur në Suedi dhe Angli, kishte 25 vjeç kur u komunikua me Jeffrey Epstein më 8 shtator 2011. Ajo është shqiptarja e parë femër e përmendur në dosjet e publikuara nga Departamenti i Drejtësisë së SHBA-së me kontakte me të. Emri i saj shfaqet në 204 shkresa, disa të redaktuara, por me identitetin e plotë të ekspozuar në shumicën.
Kontakti filloi me një email ku Maloku vetëprezantohet si shoqe e B. Tancredi:
Përshëndetje Jeffrey, jam Misse, një shoqe e Tancredit. Ai më tha të të shkruaj në lidhje me qëndrimin tim në Nju Jork. Mikpritja juaj vlerësohet shumë! Do të mbërrij më datë 10 dhe do të largohem më datë 18. Tancredi më ka folur shumë për ju dhe për faktin sa shumë ju vlerëson, dhe mezi pres të takohemi. Me respekt, Missi.
Asistentja personale e Epstein-it, Lesley Groff, iu përgjigj duke kërkuar fotografi dhe të dhëna. Më pas, vetë Epstein hyri në komunikim:
Përshëndetje Misse, a mund të më dërgosh, të lutem, detajet e mbërritjes tënde në Nju Jork nesër? Kam rregulluar që gjatë qëndrimit tënd të akomodohesh në një nga apartamentet e mi për mysafirë. Adresa është 301 E 66th St. Do të jesh në apartamentin 4M. Portieri do të ketë një letër për ty me kodin e hyrjes së apartamentit; ne nuk përdorim çelësa, por tastierë me kod për të hyrë. A mund të më japësh edhe numrin tënd të telefonit?
Në atë kohë, Epstein kishte përfunduar pak muaj më parë një dënim 18-mujor për pedofili, prej të cilit kishte shërbyer rreth 13 muaj në burg. Bisedat vazhduan me tone personale dhe fjalë të ngrohta.
Përditësime
Bisedat e reja mes modeles shqiptare dhe Jeffrey Epstein përmbajnë frëzën 'Po mendoja për ty mbrëmë' dhe tregojnë se marrëdhënia e tyre ishte 'jo vetëm shoqërore, por diçka më shumë', me diskutime personale.
Sipas bisedave të publikuara, takimi i parë mes models shqiptare Misse dhe Jeffrey Epstein ndodhi më 17 shtator 2011 në vilën e tij në Manhattan.
Epstein sugjeroi takime me shoqet e saj në Milano, udhëtime në Paris dhe Karaibe, si dhe projekte në modë.
Misse përmendi se disa shoqe kishin frikë për shkak të marrëdhënieve personale.
Misse i dërgoi Jeffrey Epstein-it më 26 shtator 2011 mesazhin: „Zemër, e humba telefonin… lol. Jam në Suedi, kam punë këtu këtë javë, më 10 po nisem për në Milano. Si je? Po mendoja për ty dje… Xxx."
Një mesazh tjetër nga ajo: „Jam në Paris, ku je? Sapo mbërrita sot në shtëpi për Krishtlindje. Jam ende beqare, kam dalë me…"