Janë publikuar pamjet që dokumentojnë momentin kur këngëtari Besart Kelmendi, i njohur me emrin artistik Gjesti, hyn në ambientet e shtëpisë muzikore Onima. Ngjarja, e cila kishte bërë bujë të madhe në opinionin publik rreth dy muaj më parë, është rikthyer në vëmendje pas publikimit të pamjeve nga Gazeta Sinjali.
Në video, Gjesti shfaqet në ambientet e zyrës duke mbajtur një armë. Po ashtu, ai shihet duke shkaktuar dëme materiale, konkretisht duke rrëzuar një kompjuter në dysheme. Sipas raportimeve, konflikti dyshohet se ka nisur si pasojë e kërkimit të një personi me inicialet E.Sh. nga ana e të dyshuarit.
Kujtojmë se Besart Kelmendi u arrestua nga organet e rendit më 11 mars. Ndaj tij rëndojnë dyshimet për kryerjen e tri veprave penale:
- Armëmbajtje pa leje
- Kanosje
- Asgjësim apo dëmtim i pasurisë