Në mbledhjen e fundit të qeverisë, Ministrja e Arsimit Mirela Kumbaro njoftoi miratimin e propozimit të Ministrisë së Arsimit për shpërndarjen e teksteve shkollore të reja dhe falas për klasat e katërta dhe të pesta të arsimit fillor.
Qeveria miratoi financimin nga buxheti i shtetit në vlerë rreth 43 milionë lekë për këtë qëllim. Tekstet ishin më parë falas për klasat e para, të dyta dhe të treta, ndërsa tani kjo praktikë shtrihet në të gjithë arsimin fillor.
Ministrja Kumbaro theksoi se masa përfshin rreth 9 mijë nxënës, duke lehtësuar barrën financiare për familjet e tyre. Nxënësit do të marrin tekste të reja çdo vit, pa i përdorur ato të vjetra.
Për klasat e gjashta deri në të nëntën, Kumbaro shpjegoi se do të zbatohet e njëjta logjikë çdo tre vjet, pasi fëmijët në këto moshë mund t’i mirëmbajnë tekstet për një periudhë më të gjatë.