Kryeministri Edi Rama ka ndarë mëngjesin e së martës, më 3 mars 2026, pamje nga Fakulteti i ri i Studimeve Profesionale në Universitetin “Aleksandër Moisiu” në Durrës. Postimi u bë në rrjetin social Facebook dhe e cilëson si një investim të Ministrisë së Arsimit për përmirësimin e infrastrukturës universitare.
Sipas Ramës, godina e re kompleton mjediset akademike me 45 auditorë, 15 laboratorë, salla konferencash, terrene sportive dhe ambiente të tjera funksionale. Këto hapësira vihen në shërbim të 1700 studentëve dhe 80 pedagogëve e anëtarëve të stafit akademik.
Postimi i plotë i kryeministrit është: «Mirëmëngjes dhe me këto pamje nga Fakulteti i ri i Studimeve Profesionale në Universitetin “Aleksandër Moisiu”, një investim i Ministrisë së Arsimit që kompleton mjediset akademike me 45 auditorë, 15 laboratorë, salla konferencash, terrene sportive dhe ambiente në shërbim të 1700 studentëve dhe 80 pedagogëve e stafit akademik, ju uroj një ditë të mbarë».