Kryeministri Edi Rama ka reaguar lidhur me pjesemarrjen e organizuar te qytetareve nga Kosova dhe Maqedonia e Veriut ne protestat antiqeveritare ne Tirane. Sipas Rames, shqiptaret e ketyre dy vendeve jane popull shtetformues dhe nuk mund te trajtohen si diasporë e Shqiperise.
Kreu i qeverise kritikoi ashpër ato qe i quajti "karvane politike" dhe "ushtarë te verber", duke pretenduar se pas tyre qendrojne sponsore qe shpenzojne mjete financiare per te demtuar imazhin e shqiptareve ne rajon. Një pikë e veçantë e reagimit ishte perdorimi i flamurit te UÇK-se gjate tubimeve, te cilin Rama e cilesoi si nje perdhosje te simbolit te luftes çlirimtare.
Lidhur me pjesemarrjen e mbeshtetesve te Levizjes Vetevendosje, kryeministri deklaroi se keto veprime nuk duhet te interpretohen si pergjegjesi e kryeministrit te Kosoves, Albin Kurti. Ai u shpreh se nuk mund ta lidhe kete situate me figurën e Kurtit, duke bere nje ndarje midis lidershipit dhe atyre qe ai i cilesoi si "sallahanë" te partisë. Ne permbyllje, Rama theksoi se qeveria e tij mbetet e angazhuar deri ne fund te mandatit ne maj te vitit 2029.
Përditësime
Ministri i Brendshëm, Besfort Lamallari, ka kritikuar pjesëmarrjen e protestuesve nga Kosova dhe Maqedonia e Veriut në demonstratat e fundit. Ai e cilësoi si paradoksale përdorimin e simboleve të UÇK-së kundër qeverisë shqiptare, duke theksuar se kryeministri Edi Rama ka qenë ndër zyrtarët e parë që ka kërkuar zyrtarisht njohjen e pavarësisë së Kosovës gjatë vizitës së tij në Beograd.