Ky artikull është përditësuar. Shiko përditësimet
Komuna e Gjilanit ka njoftuar qytetarët për vështirësitë në qarkullim të shkaktuara nga reshjet. Për shkak të gjendjes së krijuar në disa segmente rrugore, u kërkua shmangia përkohëse e lëvizjes në akse specifike.
Rrugët e prekura përfshijnë:
• Rruga për Kufcë në Malishevë;
• Rruga ndërmjet dy Livoqëve;
• Magjistralja Gjilan–Ferizaj, në zonën e udhëkryqit të rrugës së Cërnicës.
Deri në qetësimin e situatës, qytetarëve u rekomandohet të shfrytëzojnë rrugë alternative dhe të tregojnë kujdes të shtuar gjatë lëvizjes. Komuna thekson se zyrtarët kompetentë dhe ekipet në terren po i përcjellin nga afër situatën, ndërsa qytetarët do të njoftohen me kohë për çdo ndryshim.
Autoritetet falënderuan qytetarët për mirëkuptimin dhe bashkëpunimin në menaxhimin e kësaj situate.
Përditësim
Reshjet në Gjilan kanë shkaktuar bllokime të plota të qarkullimit në rrugë kryesore, sipas Policisë së Trafikut Rrugor. Autoritetet rekomandojnë shmangien e udhëtimeve të panevojshme dhe përdorimin e rrugëve alternative.