Aktori i njohur Robert Ndrenika ka qenë më 8 maj 2026 në Gjykatën Administrative të Tiranës për të mbështetur kryebashkiakun e Tiranës, Erion Veliaj, në çështjen kundër prokurorit të SPAK, Olsi Dados.
Në dalje për media, Ndrenika u shpreh se nuk i kishte kuptuar asnjëherë 13 akuzat e ngritura nga SPAK kundër Veliajt. Ai komentoi edhe deklaratën e bërë brenda sallës së gjykimit, ku i tha Veliajt: “Çfarë të ka mbetur nga burgu, vij e bëj unë për ty”.
Ndrenika e përshkroi Veliajn si “djalë jetim, i rritur me halle e probleme, që në fillore ka qenë filozof fëmijë”. Ai theksoi se Veliaj ka ndihmuar shumë teatrin dhe artistët. “Mirë mu duk. Jo them që jo. Po të jetë nevoja e bëj. E përballoj”, u shpreh aktori për gatishmërinë e tij për të shërbyer dënimin në vend të kryebashkiakut.