Dubai në Emiratet e Bashkuara Arabe u godit nga një sistem moti i paqëndrueshëm gjatë natës së 26 marsit 2026, me reshje të dendura shiu, bubullima të forta, erëra të fuqishme dhe rrufe.
Rrufeja goditi Burj Khalifën, ndërtesën më të lartë në botë me lartësi 829 metra. Pamjet e këtij momenti u postuan në rrjetet sociale nga Zyra e Medias në Dubai, duke u shpërndarë me shpejtësi.
Autoritetet aktivizuan masat e emergjencës dhe lëshuan alarme sigurie në të gjithë vendin. Qytetarët u këshilluan të shmangin lëvizjet e panevojshme dhe të tregojnë kujdes gjatë kushteve të rënda atmosferike.
Stuhitë përfshiu pjesë të mëdha të Emirateve të Bashkuara, duke shkaktuar përmbytje të përkohshme në disa zona, vështirësi në qarkullim dhe reduktim të dukshmërisë për shkak të pluhurit të ngritur nga era. Forca policore e Dubait intensifikoi përpjekjet për sigurinë e rrugëve, me ekipe të specializuara që ndihmuan në lëvizjen e trafikut.
Shërbimet emergjente u vunë në gatishmëri. Meteorologët paralajmëruan se moti i paqëndrueshëm mund të vazhdojë në orët në vijim, ndërsa autoritetet u bënë thirrje qytetarëve të ndjekin udhëzimet zyrtare.