Sali Berisha, ish-kryeministër i Shqipërisë dhe kryetar i Partisë Demokratike, reagoi më 23 prill 2026 në një postim në Facebook për ndarjen nga jeta të akademikut Rexhep Qosja.
Ai shkroi se kultura dhe mendimi shqiptar humbën një kolos, autor të një serie veprash në fushat letrare, shoqërore e politike. “Akademiku Rexhep Qosja mbyll sytë përgjithmonë. Të dashur miq, dielli perëndoi përgjithmonë për akademikun Rexhep Qosja”, thuhet në postim.
Berisha theksoi rolin e Qosjes si zëri publik i vetëm i fuqishëm i shqiptarëve të shtypur në Kosovë nga pushtuesi serb. Ai përmendi mbështetjen e palëkundur për UÇK-së, si dhe qëndrimet kritike ndaj zhvillimeve në Kosovë dhe Shqipëri.
Pavarësisht kundërshtimeve, mospajtimit dhe vlerësimeve të ndryshme, Berisha ruajti respektin dhe mirënjohjen ndaj tij. “Me këtë rast shpreh ngushëllimet e mia më të ndhera familjes, miqve, të afërmve dhe autoriteteve të Kosovës. I qoftë dheu i lehtë i tokës amë”, përfundoi ai.