Ish-ambasadori i Shqipërisë në Kosovë, Qemal Minxhozi, ka reaguar për ndarjen nga jeta të akademikut Rexhep Qosja, duke e cilësuar atë si rilindasin e fundit të kombit shqiptar.
Në deklaratën e tij, Minxhozi u shpreh: "Me dhimbje të thellë mësova lajmin për ndarjen nga jeta të Akademikut Rexhep Qosja, rilindasit të fundit të Kombit Shqiptar".
Familjarët e të ndjerit njoftuan se ceremonia e varrimit u zhvillua në Prishtinë, vetëm në praninë e anëtarëve të ngushtë të familjes. Sipas tyre, duke respektuar dëshirën e vetë akademikut, nuk do të organizohen pritje familjare dhe as nuk do të ketë pjesëmarrje në organizime institucionale për homazhe apo ngushëllime.
Ndarja nga jeta e Rexhep Qosjes ka nxitur reagime të shumta nga figura publike, akademike dhe politike në mbarë hapësirën shqiptare. Këto figura kanë vlerësuar kontributin e tij të jashtëzakonshëm në letërsi, histori dhe mendim kritik.