Akademiku shqiptar Rexhep Qosja u nda nga jeta më 23 prill 2026. Familja e tij njoftoi në rrjetet sociale se varrimi u zhvillua në praninë vetëm të anëtarëve të ngushtë. Me dëshirën e të ndjerit, nuk do të organizohet ceremoni pritjeje nga familja, e cila nuk do të marrë pjesë në organizime institucionale. Familja kërkoi respektimin e privatësisë për të mbajtur zi në qetësi.
Kuvendi i Kosovës mbajti një minutë heshtje në nderim të jetës dhe veprës së tij gjatë seancës plenare. Kryetarja Albulena Haxhiu u njoftuan deputetëve lajmin e hidhur dhe e përshkroi Rexhep Qosjen si figurë të shquar të mendimit shqiptar, studiues, shkrimtar dhe veprimtar të palodhur për çështjen kombëtare. Ajo ftoi deputetët për një minutë heshtje në shenjë respekti.
Edhe Kuvendi i Shqipërisë mbajti një minutë heshtje gjatë seancës së sotme plenare. Propozimin e bëri kreu i Grupit Parlamentar të Partisë Socialiste, Taulant Balla, i cili theksoi se vepra e Rexhep Qosjes është kontribut i pazëvendësueshëm në kujtesën kombëtare dhe dinjitetin shqiptar. Ai vlerësoi kontributin e tij për gjuhën shqipe dhe përmendi kërkesën e familjes për privatësi.