Kuvendi i Republikës së Shqipërisë mban seancë plenare më 2 prill 2026 në orën 10:00, sipas urdhërit të lëshuar në mbështetje të Rregullores së Kuvendit dhe kalendarit të punimeve për periudhën 23 mars – 10 prill 2026.
Rendi i ditës përfshin këto pika kryesore:
- Miratimi i procesverbalit të seancës plenare të datës 30 mars 2026.
- Njoftime.
- Interpelancë urgjente me Ministrin e Punëve të Brendshme Besfort Lamallari, kërkuar nga një grup deputetësh të Grupit Parlamentar të Partisë Demokratike.
- Interpelancë me Kryeministrin Edi Rama, kërkuar nga deputetja Jorida Tabaku.
- Seancë pyetje-përgjigje me Ministrin Besfort Lamallari, kërkuar nga deputeti Arian Ndoja.
- Seancë pyetje-përgjigje me Ministrin Besfort Lamallari, kërkuar nga deputeti Erald Kapri.
- Projektligji "Për aderimin e Republikës së Shqipërisë në Traktatin e Singaporit mbi Ligjin e Markave Tregtare, bërë në Singapor më 27 mars 2006".
- Projektligji "Për ratifikimin e vendimit nr. 1/2025 të Komitetit të Përbashkët, i krijuar nga marrëveshja e tregtisë së lirë ndërmjet Republikës së Shqipërisë dhe Republikës së Turqisë".
Kuvendi do të zgjedhë gjithashtu anëtarët e Bordit të Autoritetit të Konkurrencës gjatë kësaj seance.