Të dhënat nga INSTAT dhe Eurostat tregojnë se 52.9% e vdekjeve në Shqipëri lidhen me sëmundjet e aparatit të qarkullimit të gjakut, ndërsa në Bashkimin Europian kjo përqindje është 32.8%.
Në Bashkimin Europian, tumoret përbëjnë 23.9% të vdekjeve, krahasuar me 15.3% në Shqipëri. Sëmundjet e aparatit të frymëmarrjes zënë 7.8% në BE dhe 2% në Shqipëri. Krahasime të tjera:
- Sëmundjet e aparatit të tretjes: 4.4% në BE, 0.8% në Shqipëri;
- Sëmundjet mendore: 4.3% në BE, 0.5% në Shqipëri;
- Sëmundjet e sistemit nervor: 4.3% në BE, 1.5% në Shqipëri;
- Sëmundjet endokrine dhe të ushqyerjes: 3.5% në BE, 0.9% në Shqipëri.
Në sistemin spitalor, për janar-gusht 2025, në repartet e kardiologjisë u trajtuan 7.543 pacientë, nga 6.419 një vit më parë, rritje 17.5%. Në spitalet psikiatrike u trajtuan 1.129 pacientë, 36% më shumë se në të njëjtën periudhë të vitit paraardhës.
Ekspertët e shëndetit e lidhin këtë tendencë me faktorë të stilit të jetesës, si ndotja e ajrit, mungesa e aktivitetit fizik, ushqyerja jo e shëndetshme dhe stresi i përditshëm.