Shtetet e Bashkuara dhe Izraeli kanë hequr përkohësisht nga lista e tyre e objektivave dy zyrtarë të lartë iranianë, ministrin e Jashtëm Abbas Araghchi dhe presidentin e Parlamentit Mohammad Bagher Ghalibaf.
Sipas një raporti të gazetës amerikane Wall Street Journal, kjo lëvizje ndërmerret si pjesë e përpjekjeve për rinisjen e bisedimeve të paqes midis Uashingtonit dhe Teheranit.
Burime amerikane të cituara nga gazeta bëjnë të ditur se heqja e këtyre dy zyrtarëve ka karakter të përkohshëm dhe zgjat rreth katër deri në pesë ditë.
Në të njëjtën kohë, administrata e presidentit Trump shfaqet e hapur për mundësinë e kontakteve diplomatike.
Megjithatë, sipas po këtyre burimeve, shanset për përparim të dukshëm në negociata mbeten të kufizuara për shkak të dallimeve të mëdha në pozicionet negociuese të Shteteve të Bashkuara dhe Iranit.
Përditësime
Izraeli ka vrarë Ali Khamenei-n dhe Ali Larijani-n në kuadër të strategjisë "prerje kokash".
- Donald Trump deklaroi se sulmet kanë eliminuar udhëheqjen iranianë dhe pasardhësit e saj.
- Sekretarja e Shtypit Caroline Leavitt tha se SHBA do ta godasë Iranin "më fort se kurrë më parë".
- Ndërmjetësues nga Turqia, Pakistani dhe Egjipti po organizojnë një takim për armëpushim.