Shtetet e Bashkuara po zhvillojnë projekte të reja për gaz natyror në Ballkanin Perëndimor, duke përfshirë Shqipërinë, Kroacinë dhe Bosnje e Hercegovinën, ndërsa Kosova nuk është pjesë e këtyre iniciativa.
Sipas burimeve, rrjeti i ri i gazit po formohet nga Shqipëria në Bosnje e Hercegovinë, me marrëveshje miliardëshe të nënshkruara kohët e fundit nga kompani amerikane. Këto projekte synojnë zgjerimin e ndikimit energjetik në rajon dhe shkëputjen nga furnizimet ruse, si në rastin e tubacionit për Sarajevën.
Sekretari amerikan i Energjisë, Chris Wright, deklaroi se këto partneritete bazohen në mbështetje të ndërsjellë për agjendën e zgjerimit energjetik dhe dëshmohen nga marrëveshjet me vlerë prej miliarda dollarësh.
Në Kosovë, qasja ndaj gazit ka qenë e hezitueshme gjatë pesë viteve të fundit. Një projekt me mbështetje amerikane u refuzua në vitin 2021, ndërsa diskutimet janë rikthyer këtë vit. Në Samitin Trans-Atlantik për Sigurinë e Gazit, të mbajtur në shkurt në Uashington, ministrja e Ekonomisë Artane Rizvanolli, në detyrë, shprehu gatishmërinë për furnizim me gaz nga Shtetet e Bashkuara, duke e cilësuar bashkëpunimin si vendimtar për sigurinë energjetike.
Në Kosovë, rreth 90% e energjisë elektrike prodhohet nga qymyri, ndërsa 10% vjen nga burime të rinovueshme si uji, era dhe dielli. Gazi shihet si alternativë për të thyer varësinë nga një burim i vetëm.