Gjykata Kushtetuese zhvillon sot seancë në lidhje me masën e sigurisë "pezullimi i ushtrimit të detyrës publike", të vendosur ndaj zëvendës kryeministres Belinda Balluku nga Gjykata e Posaçme.
Partia Mundësia organizon sot një protestë përballë Gjykatës Kushtetuese. Kreu i saj, Agron Shehaj, dorëzoi 20 mijë firma qytetarësh në mbështetje të luftës kundër korrupsionit dhe fundit të pandëshkueshmërisë.
Në një deklaratë për mediat, Shehaj tha se populli shqiptar është me drejtësinë kundër korrupsionit dhe nuk duhet të dëgjojë vetëm lobimet e politikanëve të korruptuar. Ai përmendi deklaratën e Erion Veliaj se gjyqtarët në Shqipëri arrestohen pa akuza, si dhe përdorimin e Gjykatës Kushtetuese nga Edi Rama në rastin e Veliaj me një vendim që e quajti skandaloz.
Qëllimi i firmave është të tregojë se shqiptarët janë pro drejtësisë dhe kundër pandëshkueshmërisë. Shehaj shtoi se firmat nuk kanë vlerë juridike, por simbolike, dhe se synon të mbledhë 100 mijë të tilla për të ngritur zërin popullor.