Agron Shehaj, kryetar i Partisë Mundësia, ndodhet në Uashington, ku u takua me Lyn Debevoise, zëvendës drejtor për Europën Perëndimore dhe Qendrore në Departamentin Amerikan të Shtetit (DASH).
Gjatë takimit të zhvilluar më 10 mars 2026, Shehaj falënderoi zyrtarin amerikan për mbështetjen e SHBA-së ndaj drejtësisë në Shqipëri. Ai kërkoi vazhdojmëri të kësaj mbështetjeje, pasi prokurorët dhe gjyqtarët janë nën sulme të vazhdueshme nga krimi i organizuar, pushteti politik dhe një pjesë e mediave.
Shehaj njoftoi gjithashtu Debevoise-n për 100 mijë firma të mbledhura nga Partia Mundësia në mbështetje të drejtësisë, si dëshmi e vullnetit të shqiptarëve për një Shqipëri perëndimore.
Në një postim në rrjetet sociale, Shehaj shkruan se për dekada ëndrra e çdo shqiptari të ndershëm ka qenë fundi i pandëshkueshmërisë. Sot kjo po bëhet realitet, pasi elita politike dhe kokat e krimit po përballen me drejtësinë, çka e quan një moment historik.
Shehaj nënvizon se Shqipëria mund të bëhet pjesë e Perëndimit vetëm kur askush të mos jetë mbi ligj.