Më 29 janar 2026, juria ndërkombëtare e Konkursit Ndërkombëtar për Shtëpinë e Re të Fëmijëve dhe Kompleksin e Ri të Inspektorateve Shtetërore shpalli rezultatet.
Kryetari i jurisë, arkitekti Emre Arolat, deklaroi se të gjitha projektet e paraqitura kishin tipare të mira arkitekturore, por asnjëra nuk trajtoi plotësisht të dy komponentët. Për këtë arsye, juria zgjodhi dy studio të ndryshme: Taller Hector Barroso për shtëpinë e re të fëmijëve "Zyber Hallulli" (kampusin e fëmijëve) dhe Rojkind Arquitectos S.C. për kullat shumëfunksionale të inspektorateve. Projektet do të zhvillohen nën bashkërendimin e një zhvilluesi të vetëm, me rekomandime për fazën zbatuese.
Renditja e treshes kryesore
Juria përcaktoi renditjen si vijon:
- 1. Rojkind Arquitectos S.C. + Son Engineering & Construction + Asab Sh.P.K. + Motus + Julian Kasharaj
- 2. Taller Hector Barroso + Studio B&L L.L.C. + Progeen L.L.C. + Doriana Bleta + Agim Seranaj + Ardian Paci
- 3. Cebra Arkitekter A/S & Be-Is Sh.P.K. + Loft Architects + Superflex Studio
Juria rekomandoi që, nëse ekipi i parë fiton pas fazës së ofertave ekonomike, të bashkëpunojë me Taller Hector Barroso. Projektet u vlerësuan për cilësitë arkitekturore, urbane dhe sociale.