Policia e Fierit ka shpallur në kërkim shtetasin A. K., 25 vjeç, banues në Fier, si autor i dyshuar i plagosjes me thikë të shtetasit E. G., 35 vjeç.
Ngjarja ndodhi mesditën e së dielës, pas një debati verbal që degjeneroi në konflikt. E. G. mbeti i plagosur në pjesën e barkut dhe po trajtohet në spital, ku është jashtë rrezikut për jetën.
Specialistët e Sektorit për Hetimin e Krimeve të Rënda të DVP Fier kanë konfirmuar se A. K. dyshohet se ka kryer plagosjen gjatë këtij konflikti.
Po hetohet edhe bashkëshortja e të dyshuarit, G. B. (K.), e cila dyshohet se ka penguar zbulimin e rrethanave të ngjarjes.