Një 35-vjeçar mbeti i plagosur me thikë në lagjen “15 Tetori” të Fierit, në paraditen e 3 majit 2026. Sipas njoftimit të Policisë së Fierit, Eldi Gremi u paraqit i dëmtuar në Spitalin Rajonal të Fierit me plagë në pjesën e barkut, pas një konflikti.
Shërbimet policore ndërmorën menjëherë veprime hetimore për zbardhjen e rrethanave. Pavarësisht mosbashkëpunimit të Eldi Gremit, policia identifikoi autorin e dyshuar Albi Kajolli (A. K.), 25 vjeç, banues në Fier. Ai dyshohet se e goditi me mjet prerës gjatë sherrit.
Ngjarja ndodhi pranë një lavazhi ku Eldi Gremi është pronar, ndërsa Albi Kajolli kishte marrë me qira objektin për aktivitetin e tij biznesor. Policia e ka shpallur Albi Kajollin në kërkim dhe vazhdon punën për lokalizimin dhe kapjen e tij.