Një shpërthim granate është regjistruar në fshatin Mamaj të bashkisë Tepelenë më 21 prill 2026, ku dy persona kanë mbetur të plagosur rëndë.
Të plagosurit janë Lisjen Shehu, 34 vjeç, dhe Xhuljano Sala, 28 vjeç. Sipas informacioneve paraprake, granata shpërtheu në dorën e njërit prej tyre, ndërsa ndodheshin në një kasolle ku dyshohet se mbaheshin lëndë shpërthyese. Njëri ka pësuar dëmtime të rënda në duar, me dyshime për humbje të tyre, si dhe lëndime në gjymtyrë, fytyrë e kokë.
Njëri prej të plagosurve është transportuar me urgjencë drejt Tiranës për trajtim të specializuar. I drugi ndodhet në gjendje të rëndë në Spitalin e Gjirokastrës, me pritshmëri për transferim drejt Tiranës.
Rrethanat e plota të incidentit mbeten të paqarta. Policia po kryen hetime për zbardhjen e ngjarjes.