Në orët e para të mëngjesit të sotëm, një sasi e vogël lënde plasëse ka shpërthyer në derën e një banese në qytetin e Vorës. Sipas njoftimit zyrtar të Policisë së Shtetit, ngjarja është regjistruar rreth orës 03:15 në rrugën “Fusha e Sportit”.
Sasia e lëndës plasëse ishte vendosur në derën e banesës së shtetasit me inicialet F. Sh. Shpërthimi ka shkaktuar dëme materiale të lehta në objekt, ndërsa fatmirësisht nuk ka pasur asnjë person të lënduar nga ky incident. Menjëherë pas marrjes së njoftimit, grupi hetimor ka mbërritur në vendin e ngjarjes për të kryer veprimet procedurale dhe për të dokumentuar provat e nevojshme.
Aktualisht, autoritetet policore po vijojnë punën për zbardhjen e plotë të rrethanave të ngjarjes, si dhe për identifikimin dhe kapjen e autorit ose autorëve përgjegjës për këtë veprimtari të kundërligjshme.
Përditësime
Policia e Shtetit konfirmoi identitetin e plotë të shtetasit të përfshirë në ngjarjen e Vorës. Viktimë e këtij sulmi është identifikuar shtetasi Fatmir Shehu.