Një shpërthim me lëndë plasëse ka ndodhur rreth orës 00:40 të datës 11 janar 2026 në fshatin Shelqet të Vau i Dejës. Ngjarja ka ndodhur në derën kryesore të një servisi automjetesh në pronësi të shtetasit A. F., banues në të njëjtin fshat.
Sipas njoftimit të policisë, shtetasi A. F. ka njoftuar se ka konstatuar të dëmtuar derën kryesore të subjektit të tij. Grupi hetimor, nën drejtimin e Prokurorisë, ka nisur veprimet për sqarimin e rrethanave të ngjarjes. Paraprakisht dyshohet se është vendosur lëndë plasëse.
Si pasojë e shpërthimit nuk ka të lënduar, por vetëm dëme materiale. Policia po punon për identifikimin dhe kapjen e autorit ose autorëve të dyshuar. Hetimi vazhdon për zbardhjen e plotë të rrethanave.