Brukseli ka konfirmuar se Shqipëria ka marrë dritën jeshile për hapin e radhës drejt anëtarësimit në Bashkimin Evropian. Drafti i qëndrimit të përbashkët të përkohshëm të BE-së, i bazuar në raportin IBAR, u miratua në COELA pa asnjë kundërshtim nga shtetet anëtare.
Hapi i radhës është kalimi i dosjes nesër pasdite për miratim tek ambasadorët e BE-së në COREPER. Pas këtij miratimi do të konfirmohet zyrtarisht mbajtja e Konferencës Ndërqeveritare mes Shqipërisë dhe Bashkimit Evropian më 26 maj.
Në takimin e sotëm të gjitha vendet anëtare kanë dhënë dritën jeshile për të vijuar me miratimin e IBAR-it dhe me kalimin e dosjes në Coreper II, i cili sanksionon formalisht mbajtjen e konferencës.