Mark Preçi, 64-vjeçar shqiptar, akuzohet për tentativë përdhunimi ndaj një 25-vjeçareje me aftësi të kufizuara në Athinë. Ngjarja ndodhi më 21 shkurt në banesën e familjes, një apartament gjysmë-bodrum ku jetojnë nëna dhe dy vajzat binjake me aftësi të kufizuara 95% që nga viti 2016. Ngjarja u regjistrua nga kamerat e sigurisë.
Nëna tregoi se e njihte Preçin që nga viti 2007, përmes njohurve të përbashkët, por nuk kishte marrëdhënie të afërta. Ai vizitonte banesën çdo ditë për rreth një vit e gjysmë, duke sjellë ushqime nga Tempulli i Shenjtë i Shën Zonit në lagje.
Ditën e ngjarjes, nëna u largua për rreth 20 minuta në farmacine e lagjes, pasi një vajzë kishte thyer syzet. Kur u kthye, hasi vështirësi për të hapur derën e mbyllur nga brenda. E gjeti Preçin në dhomën e ndenjies, me pantallona të ulura dhe organet gjenitale të zbuluara, të shtrirë sipër vajzës që bërtiste në divan. Vajza tjetër ndodhej në divanin përballë.
Nëna bërtiti dhe ndërhyri. Preçi u tërhoq drejt banjës. Ajo e goditi me tigan, por rrëshqiti dhe ai e goditi me shqelma në stomak, duke e mallkuar. Më pas, ai u largua. Autoritetet dyshojnë se Preçi mund të ketë pasur çelës rezervë, pasi dera kishte një objekt në bravë.
Preçi pritet të dalë para autoriteteve greke më 27 shkurt për t’u njohur me akuzat dhe për të dhënë shpjegime. Rasti është në hetim.