Kryeministri Edi Rama deklaroi sot, përmes një postimi në rrjetet sociale, se 14 mjekë të rinj janë bërë pjesë e shërbimit të kujdesit parësor në disa qendra shëndetësore në Shqipëri.
Spitalet publike dhe ato rajonale po përforcohen me ekipe të reja mjekësh dhe infermierësh, duke sjellë energji të re që i bashkohet profesionalizmit të stafeve ekzistuese.
Në mbarë vendin po vazhdon përfshirja e këtyre ekipeve, duke rritur cilësinë dhe aksesin në shërbimet shëndetësore në spitalet rajonale dhe bashkiake.
Ministria e Shëndetësisë dhe Mbrojtjes Sociale ka zbatuar një mekanizëm transparent dhe meritokratik përmes portaleve "Mjekë për Shqipërinë" dhe "Infermierë për Shqipërinë". Ky proces ka mundësuar punësimin e profesionistëve të rinj të shëndetësisë, duke plotësuar nevojat në specialitete të ndryshme.