Sot, më 14 gusht 2026, do të përcillen për në banesën e fundit tre mërgimtarë nga Kosova, të cilët humbën jetën tragjikisht në një aksident trafiku gjatë udhëtimit të tyre për në Gjermani. Viktimat e këtij aksidenti janë Tahir Tahiri, Gentian Tahiri dhe Laurent Aliu.
Ceremonia e varrimit është planifikuar të zhvillohet në orën 17:00, në lagjen Nuhaj të fshatit Komogllavë, në komunën e Ferizajt. Tre të rinjtë jetonin dhe vepronin në Gjermani, ndërsa aksidenti ndodhi gjatë kohës që po ktheheshin nga Kosova drejt vendit ku punonin.
Familjarët, miqtë dhe të afërmit e të ndjerëve pritet të marrin pjesë në ceremoninë mortore për t'u dhënë lamtumirën e fundit. Lajmi për vdekjen e tyre ka shkaktuar pikëllim të thellë në lagjen Nuhaj, ndërsa raportimet e mediave konfirmojnë se mes viktimave ndodhet edhe një 16-vjeçar.