Prokuroria e Posaçme ka sekuestruar 94 pasuri në Shqipëri për llogari të autoriteteve të Mbretërisë së Bashkuar dhe vendeve të Bashkimit Europian, në kuadër të bashkëpunimit kundër pastrimit të parave nga grupe kriminale shqiptare.
Sipas një raporti të BIRN-it, SPAK-u ka përgjigjur me shkrim se ka identifikuar dhe sekuestruar prona të luajtshme e të paluajtshme, para në para të gatshme, llogari bankare, kompani biznesi dhe një mjet lundrimi për periudhën 2020-2026.
Statistikat e sekuestrimeve
- Belgjika: 38 pasuri
- Mbretëria e Bashkuar: 17 pasuri
- Franca: 7 pasuri
- Italia: 7 pasuri
Rasti i Ermal Bibës
Shembull tipik është kërkesa britanike për pasuritë e Ermal Bibës, 42-vjeçar me origjinë nga Lezha, i dënuar në Mbretërinë e Bashkuar si kreu i një rrjeti në tregtinë e kokainës dhe kanabisit.
Autoritetet britanike e ndiqnin që nga viti 2019 në Harrogate. Ai u arrestua më 5 maj 2022 dhe u dënua një vit më vonë me 13 vjet e gjysmë burg.
Në korrik 2024, përmes letërporosie, Mbretëria e Bashkuar kërkoi nga SPAK-u gjurmimin e 1.45 milionë paund të dyshuara të transferuara në Shqipëri. Gjykata britanike lëshoi urdhër ndalimi për të siguruar asetet për konfiskim.
Ky operacion lidhet me zbulimin më 10 mars 2022 në Rochdale të një "shtëpie bari" me qindra bimë kanabisi, të parashikuara për 144 kilogramë me vlerë 1 milion paund, ku u arrestuan dy të rinj shqiptarë.
Këto janë vetëm disa nga dhjetëra letërporosi të mbërritura në Prokurorinë e Posaçme nga autoritete të huaja për identifikimin dhe sekuestrimin e pasurive të personave të dënuar për krim të organizuar.