Mbrojtësi i AEK-ut, Stavro Pilo, ka vendosur të përfaqësojë Kombëtarën e Shqipërisë. Lojtari 24-vjeçar, i lindur në Greqi dhe me origjinë nga Delvina, deri para disa vitesh posedonte vetëm pasaportën shqiptare.
Pas marrjes së shtetësisë greke, ai ndryshoi mbiemrin nga Pilo në Pilios. Megjithatë, për fanellën kuqezi ka zgjedhur të përdorë mbiemrin e parë, Pilo.
Mediat greke raportojnë se Pilo do të jetë pjesë e thirrjes së trajnerit Silvinjo për ndeshjet e kualifikueseve të Kupës së Botës në muajin mars.
Pilo ka shprehur gatishmëri për të luajtur me kuqezinjtë. Në pozicionin e mbrojtësit të majtë, ku luan Mitaj, prania e tij shihet si përforcim për prapavijën shqiptare.