Në Spitalin e Përgjithshëm “Dr. Sami Haxhibeqiri” në Mitrovicë ka ndodhur një incident rreth orës 11:00. Një infermiere dhe dy punëtorë të sigurimit fizik janë sulmuar gjatë kryerjes së detyrave të tyre në Repartin e Ortopedisë.
Sulmi ka ndodhur ndërsa ata po siguronin respektimin e rregullave të hyrjes në repart dhe mospraninë e personave të paautorizuar. Si pasojë, të tre punëtorët kanë marrë trajtim emergjent mjekësor në të njëjtin spital.
Spitali ka njoftuar për incidentin përmes një komunikate në Facebook. Në njoftim thuhet se institucioni dënon çdo formë dhune ndaj stafit shëndetësor dhe punëtorëve të sigurimit fizik. Ai kërkon nga organet kompetente trajtimin e shpejtë të rastit në përputhje me ligjin.
Përditësime
Oda e Infermierëve dënoi ashpër sulmin ndaj një infermiereje dhe dy punëtorëve të sigurimit fizik në Spitalin e Mitrovicës.
Oda shprehu shqetësim për përsëritjen e rasteve të dhunës ndaj stafit shëndetësor dhe kërkon hetim urgjent, përballje me drejtësi të përgjegjësve si dhe masa konkrete për sigurinë e stafit.