Jorida Tabaku, deputete e Partisë Demokratike, së bashku me deputetë të tjerë demokratë, mori pjesë në Konferencën e Sigurisë në Shtetet e Bashkuara të Amerikës. Ku u zhvilluan diskutime të nivelit të lartë me kongresmenë amerikanë dhe përfaqësues nga Ballkani Perëndimor mbi sfidat e sigurisë në një kontekst global të ndërlikuar. Kjo ndodhi më 5 shkurt 2026.
Në një video të publikuar në rrjetet sociale, Tabaku evidentoi tre shtylla kryesore të diskutimeve:
- Siguria ekonomike;
- Procesi i integrimit europian;
- Mbrojtja e infrastrukturës kritike.
Sipas saj, këto nuk janë më thjesht politika zhvillimi, por elementë thelbësorë të sigurisë kombëtare, veçanërisht për Shqipërinë.
Tabaku nënvizoi se Shqipëria ka bërë hapa pas në këto drejtime vitet e fundit. Këto fusha lidhen drejtpërdrejt me angazhimet ndaj NATO-s dhe besueshmërinë si partnere strategike. Ajo theksoi nevojën për mekanizma të fortë që kontrollojnë parasë që qarkullon në ekonomi dhe orientojnë investimet drejt burimeve perëndimore, duke shmangur çdo kompromis që cënon sigurinë kombëtare.
Duke iu referuar skandaleve të fundit për sigurinë e të dhënave personale dhe infiltrimin e rrjeteve kriminale, Tabaku paralajmëroi se këto dëmtojnë imazhin e Shqipërisë dhe rrezikojnë partneritetin afatgjatë me aleatët, veçanërisht me SHBA.
Në përfundim, ajo bëri të ditur se nga të gjithë pjesëmarrësit në forum u përcoll një thirrje e fortë për avancimin e Kosovës drejt anëtarësimit në NATO, mesazh i mbështetur nga administrata dhe Kongresi amerikan.