Paraditen e kësaj të enjteje, situata përpara ndërtesës së Kuvendit është shoqëruar me përplasje mes protestuesve dhe forcave të rendit. Deputeti i Partisë Socialiste, Ramion Kurti, u bë shënjestër e një sulmi me vezë ndërsa po kalonte kordonin e sigurisë për t'u futur në seancën plenare. Protestuesit e akuzuan deputetin për mungesë përfaqësimi.
Tensionet u përshkallëzuan kur një grup protestuesish hyri në një lokal aty pranë ku po qëndronin deputetë të tjerë. Në këtë mjedis, ata hodhën vezë dhe miell në drejtim të përfaqësuesve politikë.
Si pasojë e përplasjeve, forcat e Policisë ndërhynë për të rivendosur rendin, duke përdorur në disa raste gaz lotsjellës, çka solli edhe përkeqësimin shëndetësor të disa prej pjesëmarrësve. Deri në këto momente, autoritetet kanë shoqëruar në komisariat 6 protestues. Masat e sigurisë në perimetrin e institucionit mbeten të përforcuara.