Strukturat e Policisë së Tiranës kanë nisur hetimet për një incident të ndodhur në kryeqytet, ku është dhunuar drejtori i Agjencisë Kombëtare të Ekonomisë së Mbetjeve (AKEM). Institucioni në fjalë operon në varësi të Ministrisë së Turizmit dhe Mjedisit.
Sipas informacioneve paraprake, konflikti e ka zanafillën te shkarkimi nga detyra i personit të shpallur në kërkim. I dyshuari e ka pritur drejtorin sapo ka dalë nga ambientet e ministrisë. Pas një debati të shkurtër, situata ka degraduar në kanosje dhe goditje me grusht ndaj zyrtarit.
Policia po vijon punën për lokalizimin dhe kapjen e autorit, ndërsa po punohet për dokumentimin e plotë të rrethanave të kësaj ngjarjeje.