Ministri i Drejtesise, Toni Gogu, gjate nje vizite pune ne Berlin, ka ndare reflektime mbi procesin aktual te Reformes ne Drejtesi ne Shqiperi. Përmes një postimi në rrjetet sociale, ai u ndal te simbolika e peshores së drejtësisë, duke e lidhur atë me konceptin egjiptian të Ma’at, që përfaqëson të vërtetën, barazinë dhe rendin.
Sipas ministrit, Reforma në Drejtësi nuk duhet parë vetëm si një detyrim në kuadër të integrimit europian. Gogu theksoi se ky proces është shprehje e një bindjeje thelbësore, sipas së cilës një shtet nuk mund të konsiderohet i tillë pa vendosjen e drejtësisë në themel të funksionimit të tij. Vizita në Neues Museum shërbeu si një moment reflektimi për rrënjët 4,000-vjeçare të këtyre parimeve, të cilat ministri i vlerësoi si elemente kyçe për forcimin e institucioneve demokratike.