Një ngjarje e rëndë është regjistruar ditën e sotme në Dibër, ku një shtetase 22-vjeçare ka humbur jetën në ujërat e lumit Drini i Zi. Ngjarja ka ndodhur në afërsi të Njësisë Administrative Arras, ku menjëherë pas njoftimit janë mobilizuar forcat e emergjencës dhe shërbimet policore.
Trupi i të resë është nxjerrë nga lumi dhe është dërguar në morgun e Spitalit të Peshkopisë. Ndërkohë, grupi hetimor ka nisur punën për zbardhjen e plotë të rrethanave dhe shkaqeve që çuan në këtë humbje jete. Autoritetet lokale po punojnë për dokumentimin e plotë të rastit, ndërsa dinamika e saktë e ngjarjes mbetet ende nën hetim.