Tragjedia ka ndodhur më 29 korrik 2026 në fshatin Domë të njësisë administrative Postribë në Shkodër. Një zjarr i rënë në banesën ku po qëndronin viktimat rezultoi fatal për një nënë 24-vjeçare dhe dy fëmijët e saj të mitur, të cilët humbën jetën pavarësisht përpjekjeve të strukturave në vendngjarje.
Presidenti i Republikës, Bajram Begaj, përmes një mesazhi publik, është shprehur thellësisht i pikëlluar për këtë humbje tragjike. Kreu i shtetit ka përcjellë ngushëllimet më të sinqerta për familjarët dhe të afërmit e viktimave, duke theksuar se mendimet e tij janë me ta në këtë moment të rëndë.
Edhe kryetari i Bashkisë së Shkodrës, Benet Beci, ka reaguar pas ngjarjes duke e cilësuar atë si një humbje të pazëvendësueshme për familjen dhe komunitetin e zonës. Përmes një postimi në rrjetet sociale, Beci ka shprehur ngushëllimet e tij dhe ka falënderuar të gjitha strukturat që u angazhuan për ndërhyrje në vendngjarje.