Trupat e pesë zhytësve italianë që humbën jetën gjatë një ekspedite zhytjeje në Maldive u gjetën brenda një shpelle nënujore rreth 60 metra të thellë në Atollin Vaavu. Operacioni i kërkim-shpëtimit u krye nga ekipe të specializuara zhytësish nga Finlanda dhe Maldivet.
Katër nga viktimat ishin pjesë e një ekipi të Universitetit të Xhenovës, përfshirë profesoreshën e ekologjisë Monica Montefalcone, vajzën e saj Giorgia Sommacal dhe dy studiues të tjerë. Viktima e pestë ishte instruktori i zhytjes Gianluca Benedetti. Një zhytës shpëtimi humbi jetën gjatë operacionit.
Autoritetet lokale po hetojnë shkaqet e aksidentit. Dyshohet se tragjedia mund të ketë ardhur nga përzierja e gazrave në bombola ose nga kushtet e këqija atmosferike që u paralajmëruan atë ditë.
Trupat u nxorrën gradualisht nga shpella dhe autoritetet vijojnë operacionet për identifikimin zyrtar të të gjitha viktimave.
Përditësime
Autoritetet maldiviane konfirmuan identifikimin e dy trupave si Federico Gualtieri dhe Monica Montefalcone, të transferuar tashmë në Malé. Trupat u gjetën në segmentin e tretë të thellë të shpellës. Ekipi finlandez nga DAN Europe përdori rebreathers me qark të mbyllur dhe zbatoi sistem rele: zhytës finlandezë deri në 30 m, ushtria maldiviane deri në 7 m dhe policia në sipërfaqe. Operacionet do të rifillojnë nesër për shkak të motit.