Trupi i pajetë i Mateo Llupit, 21-vjeçar me origjinë nga Fieri, ka mbërritur në qytetin e Fierit pas vrasjes së tij në Helsingborg të Suedisë. Ngjarja ndodhi pak para mesnatës së 14 prillit, kur autoritetet suedeze rrethuan zonën dhe nisën hetimet.
Gjatë sulmit me armë zjarri mbeti e plagosur edhe një vajzë rreth 25 vjeçe, e cila ndodhej në shoqërinë e viktimës. Policia suedeze njofton se deri tani nuk ka persona të identifikuar apo të arrestuar, ndërsa hetimet vijojnë në disa pista. Mateo Llupi jetonte prej vitesh në Suedi së bashku me familjen e tij.
Familja Llupi ka hapur dyert e mortit në Fier. Ceremonia e përcjelljes për në banesën e fundit pritet të zhvillohet nesër sipas disa burimeve, ose të premten sipas të tjerave.
Përditësime
Policia suedeze arrestoi një person në lidhje me sulmin ndaj Mateo Llupit (21-vjeçar). I arrestuari nuk dyshohet si autor i drejtpërdrejtë.
Gjendja e vajzës 25-vjeçare mbetet serioze, por e stabilizuar pas operacionit.
Mateo Llupi ishte i njohur për policinë për lidhje të dyshuara me rrjete kriminale. Pista kryesore është konfliktet mes grupeve të drogës.
Dëshmitarë raportuan një furgon gri që u largua nga vendngjarja. Policia ka prova që e lidhin automjetin me sulmin.
Prokurori Anders Svensson deklaroi se hetimet janë intensifikuar.