Një 20-vjeçar shqiptar u vra pas disa të shtënash me armë zjarri në qytetin Helsingborg të Suedisë. Ngjarja ndodhi pak para mesnatës së 14 prillit 2026, kur policia suedeze mori alarm dhe rrethoi menjëherë zonën.
Viktima identifikua si M.Ll., shtetas shqiptar me origjinë nga Fieri, i cili jetonte prej vitesh në Suedi bashkë me familjen e tij. Një e re rreth 25 vjeçe, që ndodhej në shoqërinë e tij, u plagos rëndë dhe u transportua në spital.
Policia suedeze zhvilloi hetim gjatë natës, por deri tani nuk ka identifikuar apo arrestuar të dyshuar. Dyshohet se i riu mund të ketë qenë i përfshirë në një rrjet trafikimi droge në Helsingborg dhe rajonin Skåne.
Mediat suedeze dhe shqiptare raportojnë se autoritetet po verifikojnë pistat e mundshme, duke u përqendruar te aktivitetet kriminale në zonë. Hetimet vazhdojnë për zbardhjen e plotë të rrethanave.