Kërkimet për gjetjen e trupit të 30-vjeçarit Jurgen Karaj nga fshati Fullqet i Klosit vazhdojnë prej 25 ditësh në rrjedhën e lumit Mat. Ai dyshohet të jetë rrëmbyer nga rrjedha e ujit të zallit të Darsit më 10 janar.
Çdo ditë marrin pjesë dhjetra forca të Batalionit të Tretë të Repartit të Këmbësorisë Burrel, familjarë të të zhdukurit dhe struktura të tjera. E gjithë vija lumore e lumit Mat është kontrolluar disa herë, por pa rezultat.
Pjesëmarrja e Forcave të Sigurisë së Kosovës
Që nga 29 janari, kërkimeve u është bashkuar një grup i specializuar nga Forcat e Sigurisë së Kosovës, me mbi 11 persona çdo ditë krahas forcave vendase. Kërkimet janë zgjeruar edhe në basenin ujor të liqenit të Ulzës.
Forcat e Sigurisë së Kosovës kanë lëshuar dron nënujor në hyrje të liqenit për të kontrolluar thellësitë. Deri më 3 shkurt, nuk është gjetur asnjë shenjë e Jurgen Karajt.
Kërkimet do të vazhdojnë, ndërkohë që prurjet e lumit Mat kanë rënë ndjeshëm, duke lehtësuar kontrollin në terren.