Vitamina C përbën një ushqyes të domosdoshëm për organizmin, veçanërisht në periudhën kur fillojnë virozat. Ajo forcon sistemin imunitar dhe shërben si antioksidant kundër radikaleve të lira. Prania e saj ndihmon kundër sëmundjeve të zemrës, problemeve me shtatzëninë, sëmundjeve të syve dhe rrudhave të parakohshme.
Dozat ditore të rekomanduara dallojnë sipas grupeve dhe gjendjeve:
- Meshkujt: 90 miligramë në ditë.
- Femrat: 75 miligramë në ditë.
- Gratë shtatzëna: 85 miligramë në ditë.
- Nënat që ushqejnë me gji: 120 miligramë në ditë.
- Duhanpirësit: 35 miligramë shtesë.
Sasia maksimale e pranueshme është 2000 miligramë në ditë.
Ushqimet më të pasura me vitaminë C përfshijnë:
- Një gotë lëng portokalli: 93 miligramë.
- Një gotë lëng qitro: 70 miligramë.
- Një kivi: 64 miligramë.
- Gjysëm racion brokoli: 51 miligramë.
- Gjysëm racion luleshtrydhe: 49 miligramë.
Specat janë burim shumë i mirë. Një portokall, një racion luleshtrydhe, speca të kuq ose brokoli ofrojnë dozë të mjaftueshme për shumë njerëz.