Në Klinë ndodhi një vrasje sot, ku Faruk Jusufi mbeti i vdekur për shkak të të shtënave me armë zjarri.
Zenun Elezaj, kryetar i Komunës së Klinës, reagoi në lidhje me këtë ngjarje tragjike. Në një postim publik, ai shprehu dhimbje të madhe për ndarjen nga jeta të Jusufit.
Sipas Elezajt, Faruk Jusufi ishte veteran i Ushtrisë Çlirimtare të Kosovës. Ai e cilësoi Jusufin atdhetar të madh, i cili dha një kontribut të çmuar për lirinë e Kosovës.
Elezaj tha se të gjithë që e njoftën do ta kujtojnë atë si person të respektuar dhe të dashur. Ai dërgoi ngushëllime të sinqerta familjes, miqve dhe të gjithë atyre që e kanë njohur, duke u uruar pushim të përjetshëm.
Postimi i plotë i Elezajt:
"Me dhimbje të madhe mora lajmin për ndarjen nga jeta të Faruk Jusufit. Faruku ishte veteran i Ushtrisë Çlirimtare të Kosovës. Si atdhetar i madh që ishte, ai dha një kontribut të çmuar për lirinë e Kosovës.
Të gjithë ne që e njohëm do ta kujtojmë si një person të respektuar dhe të dashur.
Ngushëllime të sinqerta familjes, miqve dhe të gjithë atyre që e kanë njohur!
U prehtë në paqe!"