Një ngjarje e rëndë me pasojë vdekjen është regjistruar në Rrogozhinë gjatë orëve të mbrëmjes. Sipas njoftimit zyrtar të autoriteteve, dy shtetas, Meklan Meçe, 25 vjeç, dhe Rrapush Memolla, 60 vjeç, janë përfshirë në një konflikt për motive të dobëta në lagjen “Mollaj”.
Gjatë përplasjes fizike, ku dyshohet se janë përdorur mjete prerëse, 60-vjeçari ka ndërruar jetë si pasojë e plagëve të marra. Në konflikt ka mbetur i dëmtuar lehtë në dorë edhe 25-vjeçari Meklan Meçe.
Forcat e policisë kanë mbërritur në vendngjarje menjëherë pas njoftimit. Falë veprimeve operacionale, i riu është identifikuar dhe arrestuar në cilësinë e autorit të dyshuar. Grupi hetimor, nën drejtimin e Prokurorisë, po vijon kryerjen e veprimeve procedurale për dokumentimin ligjor të ngjarjes.