Një ngjarje e rëndë ka ndodhur mbrëmjen e 19 qershorit në lagjen “Mollaj” të qytetit të Rrogozhinës. Si pasojë e një konflikti për motive të dobëta, ka humbur jetën shtetasi Rrapush Memolla, 60 vjeç.
Sipas njoftimit zyrtar të Policisë së Shtetit, gjatë përleshjes janë përdorur mjete prerëse. Menjëherë pas marrjes së njoftimit, forcat e policisë kanë mbërritur në vendngjarje, duke bërë të mundur identifikimin, kapjen dhe arrestimin e autorit të dyshuar, fqinjit të viktimës, Meklan Meçe, 25 vjeç. Gjatë incidentit, autori ka mbetur i dëmtuar lehtë në dorë.
Grupi hetimor, nën drejtimin e Prokurorisë, po vijon veprimet procedurale për zbardhjen e plotë të rrethanave dhe shkaqeve të ngjarjes.