Aleks Vangjeli, 17-vjeçar shqiptar me origjinë nga Berati, u vra me thikë gjatë një sherri të dhunshëm në Lutrak të Greqisë në orët e para të mëngjesit të së premtes. Ai u gjet i plagosur në shtrat nga vëllai i tij, i cili e dërgoi në Spitalin e Korinthit, ku mbërriti i vdekur rreth orës 6:00. Plagët i ishin shkaktuar disa orë më parë.
Një 19-vjeçar, mik i ngushtë i viktimës, mbërriti i pari në Qendrën Shëndetësore të Lutrakut rreth orës 2:00 me plagë në bark dhe gjoks. Ai pretendoi fillimisht se lëndimet vinin nga një aksident me makinë, por mjekët konstatuan se ishin nga një objekt i mprehtë. Pas stabilizimit, u transferua në një spital në Athinë, ku trajtohet jashtë rrezikut për jetën dhe iu nënshtrua një ndërhyrjeje kirurgjikale.
Sipas disa burimeve, 19-vjeçari ka identifikuar autorin e vrasjes dhe ka dhënë informacione të rëndësishme për policinë. Burime të tjera raportojnë se ai nuk ka dhënë detaje rreth incidentit. Presidenti i Shoqatës Mjekësore të Korinthit dhe Zëvendësguvernatori i Peloponezit në fushën e Shëndetësisë, Chrysovalantis Mellos, konfirmoi se 19-vjeçari u trajtua fillimisht në Lutrak para transferimit në Atikë.
Nëna e 19-vjeçarit deklaroi për mediat greke se mësoi vonë për ngjarjen dhe theksoi se djalit të saj i kishte vdekur një mik i ngushtë. Autoritetet greke besojnë se plagosjet e të dyve lidhen me të njëjtin sherr në një zonë të largët pranë Rrugës së Përgjithshme të Loutrakit. Hetimet vazhdojnë për sqarimin e rrethanave.
Përditësime
Një 19-vjeçar deklaroi policisë se ai dhe viktima u sulmuan nga i njëjti 17-vjeçar i dyshuar.
- Nëna e të miturit të dyshuar ndodhet në komisariat dhe po jep dëshmi.
- Grupi i viktimës u takua me grupin e të dyshuarit për të zgjidhur një vjedhje të mëparshme, duke përfshirë 5 persona në total.
- Sipas deklaratës së mjekut, plagët ndodheshin në zonën e kraharorit pranë zemrës; viktima vdiq disa orë para se të dërgohej në spital.
Policia greke ka arrestuar 4 persona, mes tyre autorin e dyshuar 17-vjeçar, pas vrasjes së 17-vjeçarit shqiptar në Lutrak.
17-vjeçari grek u dorëzua vetë në polici dhe pranoi vrasjen e Aleks Vangjelit dhe plagosjen e një 19-vjeçari gjatë një sherr banali.
Policia arrestoi nënën e tij për lënie pa kujdes të miturit dhe tentativë fshehjeje provash; ajo e kishte akuzuar fillimisht 19-vjeçarin si autor.
Të dy dalin në gjykatë më 28 shkurt për masë sigurie.