Bordi i Radiotelevizionit të Kosovës (RTK) ka përfunduar procesin e përzgjedhjes së drejtuesit të ri të institucionit, duke emëruar Zana Spahiun në pozitën e drejtores së përgjithshme. Vendimi u mor gjatë mbledhjes së bordit, ku Spahiu u zgjodh me 9 vota pro dhe asnjë abstenim.
Para këtij vendimi, bordi shqyrtoi listën përfundimtare të kandidatëve dhe procedurat përkatëse. Zana Spahiu kishte dalë kandidatja më e vlerësuar gjatë procesit të intervistimit, duke grumbulluar 90.7 pikë. Në garën për këtë post morën pjesë gjithsej 6 kandidatë:
• Lorik Arifaj
• Antigona Baxhaku
• Arber Geci
• Nexhmedin Spahiu
• Zana Spahiu
• Hysen Hundozi
Mandati i Zana Spahiut në krye të RTK-së do të zgjasë tre vjet.