Mikel Ndoj, 56-vjeçari që plagosi me thikë vajzën e tij Xhesika Ndoj, 24-vjeçare, dhe kalimtarin Onard Memlika, ka dhënë dëshminë para autoriteteve për ngjarjen e paradites së së hënës në lagjen nr. 12 të Durrësit.
Sipas tij, konflikti shpërtheu për shkak të dëshirës për të ribashkuar familjen pas 6 vitesh ndarjeje, çka vajza e refuzoi. Ndoj shprehet se shkoi te vendi i punës së saj pasi ajo nuk iu përgjigjej telefonatave dhe situata përshkallëzoi pas reagimit të ashpër të vajzës.
Në dëshminë e tij, ai deklaron: "Shkova te vendi i punës së vajzës pasi nuk po më përgjigjej në telefon. Dua të ribashkohem me familjen, por vajza ka ndikuar negativisht. Nuk donte të kishte të bënte më me mua, më shpërfillte, më injoronte. Shkova për t’i thënë se doja të bisedoja me të, por më tha se nuk dua të kem asnjë lidhje me ty, për mua nuk ekziston më. Në këtë moment m’u errësuan sytë, i thashë hajde dalim pak përjashta që të flasim. Ajo më shtyu. Nuk mbaj mend më se çfarë ndodhi. Ishte edhe një djalë aty që ndërhyri në ato momente. Teksa po tentonte të më largonte u pre nga thika edhe ai. Më pas ika dhe u fsheha diku afër repartit të zjarrfikëses. Aty e kuptova çfarë kishte ndodhur. Unë isha në gjendje të rënduar psikologjike dhe kisha konsumuar alkool. Më vjen shumë keq për atë që ndodhi. Jam penduar shumë. U kërkoj falje vajzës dhe djalit që u plagos. Djalin nuk e njihja fare. Nuk di çfarë të them, ndihem shumë keq".
Ndoj thekson pendesën dhe pranon se nuk mban mend detajet e momentit. Ai jeton në Itali, ku është dënuar më parë me 2 vite burg për dhunë, ndërsa prindërit janë ndarë 6 vite më parë për shkak të dhunës në familje; dënimi në Itali është ngjarje e pavarur nga divorci.
Ngjarja u regjistrua paraditen e së hënës dhe të plagosurit mbetën të lënduar.