Arkeologët e Institutit të Kulturës së Trashëgimisë Kombëtare (IKTK), në bashkëpunim me Bashkinë Lushnje, po kryejnë gërmime arkeologjike shpëtimi në vendin Kodra e Pusit, pranë fshatit Murizë-Peqin.
Gërmimet kanë nxjerrë në dritë gjurmët e një vendbanimi të rëndësishëm, me kohështrirje nga periudha romake deri në antikitetin e vonë. Ky zbulim pasuron njohuritë mbi historinë dhe zhvillimin e zonës.
Ministri i Kulturës, Blendi Gonxhja, ka shpërndarë në Facebook pamje nga punimet. Ai shkruan se hulumtimet do të vazhdojnë për të pasuruar të dhënat historike:
"Arkeologët e IKTK-së, në bashkëpunim me Bashkinë Lushnje, po kryejnë gërmime arkeologjike shpëtimi në vendin e quajtur Kodra e Pusit, pranë fshatit Murizë-Peqin. Gërmimet kanë zbuluar gjurmët e një vendbanimi të rëndësishëm me kohështrirje nga periudha romake deri në antikitetin e vonë. Hulumtimet do të vijojnë për të pasuruar njohuritë mbi historinë dhe zhvillimin e kësaj zone."